Inngaihtlawmna – Humility
Chapter 1.
chapona – duhamna – mi ngaihnepna – inchhuanna – hengte hi inngaihtlawmnaa awm lo an ni.
Inngaihtlawmna hi inhmuh tetna – inngaihnepna – engmah ti theilo a inngaihna ani lo bawk.
Mahni pawimawhna ngaihtuah lohva dah hniam theihna a ni zawk. (The quality of having a modest or low view of one's importance.) Kan pawimawhna, thatna, thiamna, felna, finna te ngawih pui ngamna ani zawk.
Inngaihtlawmnaa awm lo tih a tarlan ‘chapona – duhamna – mi ngaihnepna – inchhuanna’ ah te hian a hnuai a mi ho hi a lo awm thin;
Inhuatna – hlim lohna – inrem lohna/nghirnghona – dawhtheih lohna – thinchhiatna – chhiatna – rinawm lohna – dodalna – insum theih lohna.
Inngaihtlawmnaah erawh ve thung chuan;
Hmangaihna – hlimna – remna – dawhtheihna – ngilneihna – thatna – rinawmna – thuhnuairawlhna – insumtheihna hi tih lanin a awm thin thung.
Thlarau rah an ni - Galatia 5:22-23
Bible-in engtin nge a sawi a, inngaihtlawmna hi eng nen nge a tehkhin?
Thufingte 22:4 ~ Inngaihtlâwmna leh Lalpa ṭih man chu Sum te, chawimawina te, nunna te a ni.
NIV-ah chuan – Humility is the fear of the Lord; its wages are riches and honor and life.
Parallel translation – Inngaihtlâwmna hi Lalpa ṭihna ani, a man chu Sum te, chawimawina te, nunna te a ni.
In ang tiin a sawi a ni. Inngaihtlâwmna hi Lalpa ṭihna ani kan tih theih loh pawhin an lawman hi chu a in ang ani kan ti lo thei lo.
INNGAIHTLAWMNA hi finna bul ani ve em?
Thufingte 1:7 ~ LALPA ṭih hi finna bul a ni a; Nimahsela, mi â-te chuan finna leh zirtirna an hmusit thin.
Academics cause people to be argumentative and question authority and method instead of focusing on what their goal is.
Lehkhathiamna hian mi hnial duhna a siama, a tih tur tih aiin hotute hnial leh inkaihhruaina dodal a thlang zawk thin.
INNGAIHTLAWMNA tello chuan PATHIAN THU a zir theih loh a Thuawih phei chu kaha se.
Engmah tak tak a zir theih loh. Zirtirtu pawh a ngainep thin. Fin a har ve viau ang.
Lehkhathiamte hian mahni in ven angai thin, chapona a chawh chhuah theih vangin.
Chapter 2. Isua atangin Inngaihtlawmna Zia (Principles of Humility)
Isua Nuna Inngaihtlawmna Zia (Principles of Humility) Zir Tur
Philipi 2:1-11 ~ atangin
Chang 1-5 : Paulan a taka kan nunpui theih dan tura a duhdan a sawina:
1 - Krista zârah thlamuanna in nei ta a, a hmangaihna chuan a tilâwm che u a, Thlarau pâwlna in chang a, inlainatna leh inkhawngaihna in nei ta a. 2 - Chuvângin, lungrual taka inhmangaih tawnin, inthuruala rilru hmun khat puin, ka lâwmna tikim rawh u. 3 - Mahni hmasial tak leh inngaihlu taka eng mah ti lovin, tu pawhin inngaitlâwm takin mi dangte ṭha zâwkah dah rawh u. 4 - Mahni ṭhatna tûr chauh zawng lovin, mi dang ṭhatna tûr pawh zawng rawh u.
1. Krista zara kan neih:
* i. Thlamuanna
* ii. Hmangaihna
* iii. Thlarau Thianghlim
* iv. Lainatna leh khawngaihna (mercy – in ngaihdamna)
2. Khing kan chan avang khian; Lungrual taka kan tih tur:
* i. In hmangaih tawn
* ii. Inthurual leh rilru hmun khat
3. Inngaihtlawmna awmzia (principles):
* i. Hmasial loh
* ii. Inngaihhlut loh (mi hnuaichhiah loh)
* iii. Mi dang ngaihhlut
4. Mahni ang bawka mi dangte hmangaih
* i. Kan duhzawng mi dang tan tih ve
Chang 5-11 : Isuain khawvela a awmlaiin a nunah Inngaihtlawmna a tihlan dan.
5 - Krista Isua rilru ang hi nangni pawhin pu zêl rawh u. 6 - Ani chu Pathian anpui ni mah sela, Pathian tluka awm chu tum tlat tûrah a ngai lo va, 7 - mahni intitlâwmin bawihah a insiam a, mihringa lo piangin mihring a lo ni ngei na a, 8 - a inngaitlâwm a, thi khawp hialin thu a zâwm a, krawsah a thi ta a. 9 - Chuvâng chuan, Pathianin ani chu a chawimawi nasa ta ber a, hming zawng zawnga hming chungnung ber a pe ta a. 10 - Tichuan, Isua chawimawiin mi tin, vâna mi te, leia mi te, lei hnuaia mi te a hmaah an ṭhingṭhi ang a, 11Pa Pathian ropui nân mi tinrêngin, “Isua Krista chu Lalpa a ni,” tiin an puang ang.
5. Isua rilru ang chu Mahni nihna kalsan
6. A Pathianna/Pathian nihna chu a dah tha hmak – Kan pawimawhna ngawih pui tur.
7. Chhiahhlawh nihna thlangin a siam mihringah alo chang – Rawngbawltu chu chhiahhlawh rilru neih tur
8. Misual ber thihna cross thlan chu inngaihtlawmna tawp a ni – Martar huamin rawngbawl tur
9. Chawimawina ropui ber. Engmahin a ngam loh hming chungnung – Hminthatna leh hmingthanna a dawn loh theih loh
_Heta tang hian fimkhur angai, lawmman leh chawimawina dawn vanga inngaitlawm tur chapo an awm phah thin._
10. Vanah leh leiah chatuana thingthia chawimawina – I kalna apiangah chawimawi i ni ang, inngaihtlawm reng angai.
11. Hnam zawng zawngin Isua hi Lalpa an la ti dawn – Chawimawina i dawn hunah Isua hnenah ropuina hlan zel tur.
Hriat tur pawimawh:
MATHAIA 6:33 MIZO
A ram leh a felna chu zawng hmasa zâwk rawh u; tichuan, hêng zawng zawng hi a pêk belhchhah dâwn che u nia.
Kan rilru luah ber tur chu Isua anga inngaihtlawm chunga rawngbawl, belhchhahna hi chu lo kal lo thei lo a ni, ngaihtuah loh tur.
Pathianin i rawngbawlnaah malsawm che rawh se.
Chapter 3. Pathian Dodal
Pathian in dodal tir duh tan buai buai angai lo, chapo rawh. 100% guaranteed, a dodal ang che.
Pathian hnen atanga duhsakna leh malsawmna duh tan inngaihtlawm ani mai, a awl lutuk.
Tha ati lutuka Jakoba khan Thufingte 3:34 a in ziak a sawi chhuah nghe nghe kha.
Jakoba 4:6 ~
“Pathianin chapote a dodâl a,
Inngaitlâwmte erawh chu a khawngaih ṭhîn,”
1 Petera 5:5,6 (chhiar zawm a tha)
Chutiang bawkin nangni ṭhalaite u, upate thu awih rawh u. In za-in thuhnuairawlhnaa inthuamin rawng inbâwlsak rawh u. “Pathianin chapote a dodâl a, inngaitlâwmte erawh chu a khawngaih ṭhîn,” tih a ni si a.
Thufingte 16:18
Chapona chuan boralna a thlen a, Inchhuanna chuan chhiatna a thlen.
Thufingte 18:12
Chapona chu chhiatnain a zui a,
Ropui hmain tlâwm a ṭûl ṭhîn.
