Ngawlveina Atanga Chhuak duhte tan Bible chang thlan khawm

 

Chang khat leh chang hnih vel lek lek ka dah a, a theih hram chuan kan chang dahte hi a hma leh hnu lam kan chhiar tel zel dawn nia.

A hmasain Isuan a lo kal chhan a sawi hi chiang phawt ang u..

LUKA 5:32 ~

Mi fel takte lam tûra lo kal ka ni lo va, mi sualte lama simtîr tûra lo kal ka ni zâwk,” a ti a, a chhâng a.

Kan leng asin. A ropui ti r'u, Pathian hmangaihna hi? Khawvel chuan min khung bo duh a, a zuar thinte phei chu hlau leh khurin anih hi kan awm thin. Isua erawh chuan keini ho hi thianah min siam duh thung a ni. Hmingchhiatte hi kan tan pawi a ti lo reng reng.

MATHAIA 11:19 ~

Mihring Fapa hi a lo kal a, a eiin a in a, ‘En teh u, mi vir, uain heh mi, chhiahkhawntute leh mi sualte ṭhian saw,’ an ti leh si a. Pathian finzia chu a thiltihah a lang a ni,” a ti a.

1. Matthaia 11:28-29 ~

Nangni thawk rim leh phurrit phur zawng zawngte u, ka hnênah lo kal ula, keiman ka chawlhtîr ang che u. Ka nghâwngkawl bât ula, ka hnênah zir rawh u; thuhnuairawlh leh rilrua inngaitlâwm tak ka nih hi; tichuan, in thlarau tân chawlhna in hmu ang.

Isua lo kal chhan misualte tan ani tih hi he chang hian a ti chiang em em a ni. Ngawlvei neite hi kan phur a rit tih min hriat pui. Kan chawlh hi a duh a, a hna kan thawh hi (a nghawngkawl bah hi) a phal a, chumi chuan thlarau, rilru leh taksaah hahchawlhna min pe dawn ani tih min hrilh a ni. Amahah intulut i la, kan nun a inthlak anga hlimna min pe bawk ang.

2. Johana 14:27 ~

“Thlamuanna ka hnutchhiah a che u, keima thlamuanna ka pe a che u; khawvêlin a pêk ang ni lovin ka pêk che u hi. In thinlung mangang suh se, hlauh pawh hlau suh se.”

Thlamuanna min pek hi la ang u. Nghei a har, ka thei lovang, suffer ka hlau, ka zawrh loh chuan ei ka nei dawn lo tihte i hlau lo ang u, Isuaah kan awm chuan hlauh tur a awm lo.

3. Jakoba 5:15 ~

ring tlata ṭawngṭaina chuan damlo chu a tidam ang a, Lalpan a kaitho vang; thil a lo tihsual tawh pawh ngaihdam a ni ang.

Kan tih makmawh chu Pathian hi ṭawngṭainaa biak a ni, kan dam nan i dil ang u, min tidam ang kan rin chuan.

4. Jeremia 17:14 ~

Aw LALPA, mi tidam la; Tichuan, ka dam viah ang; Mi hum la; tichuan, ka him ngei ang, Nang zawng ka chawimawi ṭhîn che a ni.

Pathian hian kan chawimawi a phu a, damna kan dil pah hian Amah fakna hi a bulah leh midang zingah te sawi chhuak thin ang u. A faknaah chuan a cheng thin a, kan hnenah a chen chuan kan dam ang.

5. Korinth 15:33 ~

Hruai bovin awm suh u, “Ṭhian sualin nungchang ṭha an tikhawlo ṭhîn,” tih a ni.

Kan thiante kan hmangaihna hian an zingah min awm tir chak thin, mahse a bikin tirah chuan hnaih loh hi a him ber, fel kan duhna tlemte lo awm ve thin hi anti ral thei thin. Thlemna anni tlat thin. Nangmah kaihruai thei tur che leh Pathian thu buaipui hote zingah tel tum rawh. Biak turte pawh an awm ve nual ania.